O Circuíto de Carreiras Populares CoruñaCorre abrirá o pano da súa novena edición o próximo 23 de xaneiro coa celebración da súa primeira proba, a Popular de Matogrande. A carreira, na categoría absoluta, comezará ás 10.00 horas, e sairá da Rúa Sebastián Martínez Risco (Centro Liceo A Paz) para cubrir un trazado de 7.140 metros. É necesario destacar a gran resposta dos/as runners coruñeses, batendo nesta edición o récord de inscricións respecto da dos últimos 5 anos, cun total de 1842 corredoras e corredores inscritos.

Tras a disputa da carreira absoluta será a quenda das competicións de menores, desde Sub-18 ata "Peques". Lembramos que este ano, como novidade, os fillos dos runners da categoría absoluta poderán gozar do servizo de acompañamento de menores e ser atendidos por monitores cualificados con actividades de entretemento.

Como novidade nesta edición, as corredoras e corredores entrarán no estadio universitario de Elviña, para dar unha volta completa á pista de atletismo e completar a continuación o percorrido do circuíto.

A inscrición alcanza un total de 1.839 participantes, dos cales 1.230 corresponden á carreira de adultos e 405 ás distintas probas que se realizarán nas categorías de menores. A carreira de Péquelos "" contará cunha participación de 204 corredores.

Lembrámosvos que o prazo de inscrición para anotarse na novena edición do Circuíto finalizará domingo 1 de maio, momento do peche de anotación da terceira carreira, a Baixada Popular de Cros San Pedro de Visma.

CoruñaCorre está a piques de dar o pistoletazo de saída da súa novena edición e cortará a cinta o próximo 23 en Matogrande e co mesmo obxectivo das anteriores edicións: achegar o running aos barrios coruñeses e facer da competición un evento festivo. ¡Esperámosvos!

A continuación, presentámosvos os circuítos para a Carreira Popular de Matogrande.