Este domingo celebrarase a cuarta proba de Coruña Corre, que afectará, principalmente ao tramo final da rúa Manuel Azaña, onde estará situada a zona de saída e meta

A novena edición da Carreira Popular dos Rosales, que forma parte do Circuito Coruña Corre e celébrase o vindeiro domingo, 22 de maio, conta cun dispositivo especial de tráfico para garantir a seguridade de participantes e condutores.

Principalmente, cortarase o tráfico entre as 07:30 horas e as 14:30 o tramo final da rúa Manuel Azaña, no tramo que dá acceso á Praza Elíptica, onde estará situada a saída e meta da proba. Nesa zona estará prohibido o estacionamiento desde a medianoite do sábado ao domingo (00:00 do domingo 22)

Ademais, realizaranse cortes e desvíos de tráfico na mañá do domingo, polo que se recomenda reducir ao máximo os desprazamentos en vehículo durante a celebración das carreiras nesa zona da cidade.

Os/as veciños/ as dos Rosales terán acceso e saída da zona, aínda que con cortes breves. Recoméndase ás persoas residentes na contorna da Praza Elíptica que saian do barrio por Estrada dos Fortes.

Entre as 10 e as 11:30 horas pecharase ao tráfico o circuíto, que se irá abrindo ao paso da carreira. Así, o tramo da Rolda de Outeiro entre a Avenida de Labañou e o Paseo Marítimo, por onde discorre a proba absoluta, quedará aberto, previsiblemente, ás 10:45 horas e o Paseo Marítimo, no tramo comprendido entre Labañou e o Portiño, abrirase cara ás 11:15 horas aproximadamente.

Desde as 11:30 horas ás 13:30 cortarase Manuel Azaña desde as rúas Rodríguez Castelao e Suárez Ferrín.

Ás persoas usuarias dos garaxes de cálea Alcalde Suárez Ferrín rogóuselles que eviten saír cos seus vehículos deses estacionamentos entre o domingo entre as 10 e as 13:30 horas.

Lembra que son afeccións imprescindibles para o bo desenvolvemento da proba, que non sería posible sen a colaboración e participación cidadá, á que se lle agradece, de antemán, a súa comprensión e colaboración.