Antes da pausa estival de Coruña Corre, máis de 1.500 persoas desfrutaron da cuarta entrega deste circuíto de carreiras popular

“A xente dos barrios” corre na Coruña e deixa instantáneas para o recordo. Imaxes que reflicten o esforzo, a constancia, a superación e a satisfacción que implica correr polas rúas da cidade.

O domingo, o escenario foi o barrio dos Rosales cun percorrido que incluíu, ademais, na carreira absoluta, un bo tramo do Paseo Marítimo entre a zona de Labañou e o Portiño.

Coruña Corre tómase a súa pausa estival despois dos catro primeiros eventos, polo que tes tres meses para repasar as imaxes que foi deixando a competición. Así, a espera farase máis curta.

Preparámoste unha amplía galería de fotos dos Rosales e lembra que tamén podes botarlle unha ollada ás das tres primeiras probas: Matogrande, a Torre de Hércules e San Pedro de Visma. A meta é desfrutar.